09.10.2026 | 13:57
imID-ում քննարկվել են Հայաստանի թվային ինքնության համակարգի զարգացման ուղղությունները
Ռուս զինվորականները հարվածներ են հասցրել Խարկովին, Օդեսային և Կիևի շրջանին. 1 մարդ զոհվել է, ավելի քան 30-ը՝ վիրավորվել
Քաղաքականություն
08.11.2024 | 14:38
Նոյեմբերի 8-ի գիշերը ռուս զինվորականները հարձակվել են Խարկովի վրա։ Այս մասին հայտարարել է շրջանային ռազմական վարչակազմի ղեկավար Օլեգ Սինեգուբովը։ Վերջին տվյալներով՝ տուժել է 25 մարդ, գրում է Current Time-ը։
Հարձակման են ենթարկվել քաղաքի Սալտովսկի և Շևչենկովսկի շրջանները։ Բազմահարկ շենքերից մեկում մասնակի քանդվել է առաջինից երրորդ հարկի մուտքը։ Տարհանվել է 30 մարդ, այդ թվում՝ չորս երեխա։ Վնասվել են նաև հարակից բնակելի շենքերը, մեքենաները և մետրոյի կայարանների ելքերը։
Քաղաքի կենտրոնում վնասվել են պատմական շենքեր, խանութներ, առևտրի տաղավարներ, մեքենաներ և մետրոյի կայարանների ելքեր։
Խարկովի ռազմական վարչակազմի ղեկավարի խոսքով՝ ռուսական զորքերը հարվածել են 500 կիլոգրամանոց ռումբերով։
Ռուս զինվորականները հարվածել են նաև Օդեսային։ Այնտեղ, ըստ նախնական տվյալների, մեկ մարդ մահացել է, ինը վիրավոր է։ Այս մասին հայտնում են Արտակարգ իրավիճակների պետական ծառայությունից։
Մասնավոր հատվածում տուժել են բնակելի շենքեր, երկուսում հրդեհ է բռնկվել։ Փրկարարները մարել են նաև ձեռնարկության տարածքում գտնվող պահեստներում և մեքենաներում բռնկված հրդեհները։ Վնասվել է ուսումնական հաստատության շենքը։
Կիևի մարզում չորս մարդ է տուժել ռուսական ռազմական հարվածի հետևանքով, հայտնում է Ազգային ոստիկանությունը։ Վնասվել է վեց առանձնատուն և չորս ավտոմեքենա։ Հրդեհ է բռնկվել չգործող գազալցակայանի տարածքում։
Թարգմանությունը՝ Տաթև Ֆռանգյանի
