05.06.2026 | 12:02
«Հիանալի կլիներ, եթե նրանք հանդիպեին». Թրամփը` Պուտինին ուղղված Զելենսկիի նամակի մասին
8-0. «Նոա»-ն չկարողացավ դիմակայել «Չելսի»-ին
08.11.2024 | 02:01
Ֆուտբոլի Կոնֆերենցիաների լիգայի հիմնական փուլի երրորդ տուրում Երևանի «Նոա»-ն հյուրընկալվեց Լոնդոնի «Չելսի»-ին: «Արմենպրես»-ի հաղորդմամբ` «Ստեմֆորդ Բրիջ» մարզադաշտում կայացած խաղի մեկնարկային րոպեներին երկու թիմերը մի քանի լավ հնարավորություն ունեին բացելու խաղի հաշիվը: Սակայն լոնդոնյան ակումբը սկսեց մեծ ուժերով գրոհել և 11-րդ րոպեին «Չելսի»-ն առաջ անցավ հաշվի մեջ: Դիպուկ հարվածով աչքի ընկավ Տասին Ադարաբիոյոն:
Ընդամենը մեկ րոպե անց «Չելսի»-ն նաև երկրորդ գնդակն ուղարկեց հայկական ակումբի դարպասը: Գոլն իր ակտիվում գրանցեց Մարկ Գիուն: Եվ արդեն 18-րդ րոպեին «Նոա»-ն երրորդ գնդակն ընդունեց սեփական դարպասը:
Անկյունայինի խաղարկումից հետո գլխի հարվածով գոլը խփեց Աքսել Դիսասին:Երեք րոպե էլ չէր անցել, երբ Լոնդոնը ներկայացնող ակումբը խփեց 4-րդ գնդակը: Կոնֆերենցիաների լիգայի ընթացիկ մրցաշրջանում իր 4-րդ գոլը խփեց Ժոաու Ֆելիշը: Խաղակեսի ավարտից 5 րոպե առաջ «Չելսի»-ն խփեց 5-րդ գնդակը:
Հեռահար ու շեշտակի հարվածով աչքի ընկավ Միխայլո Մուդրիկը: 42-րդ րոպեին էլ «Նոա»-ի կազմում ինքնագոլի հեղինակ դարձավ Հովհաննես Համբարձումյանը: Երկրորդ կեսում «Չելսի»-ն շարունակում էր տիրել նախաձեռնությանը և 69-րդ րոպեին 7-րդ անգամ գրավեց հայկական թիմի դարպասը: Գոլը խփեց Նկունկուն: Վերջինս դարձավ նաև դուբլի հեղինակ` անվրեպ իրացնելով 75-րդ րոպեին նշանակված 11 մետրանոց հարվածը: «Չելսի»-«Նոա»` 8:0:
Կոնֆերենցիաների լիգայի հիմնական փուլի շրջանակներում «Նոա»-ն հաջորդ հանդիպումը կանցկացնի նոյեմբերի 28-ին` Երևանում հյուրընկալելով «Վիկինգուր»-ին:
