08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուսաստանը Զիմբաբվեին խնդրել է շինարարների ուղարկել աշխատուժի պակասի պատճառով
Քաղաքականություն
07.11.2024 | 18:10
Ռուսաստանն աշխատուժի պակասի պայմաններում Զիմբաբվեին խնդրել է աշխատողների ապահովել՝ հիմնականում շինարարության ոլորտի համար, գրում է The Herald-ը։
Ըստ հրապարակման՝ այս հարցը քննարկվել է Զիմբաբվեի բնակարանային և սոցիալական ծառայությունների նախարար Սոդա Զեմուի ու ՌԴ շինարարության և բնակարանային և կոմունալ ծառայությունների փոխնախարար Նիկիտա Ստասիշինի հանդիպմանը, որը տեղի է ունեցել Կահիրեում միջազգային ֆորումի ժամանակ։
Աշխատողների ուղարկելու դիմաց Ռուսաստանն առաջարկել է Զիմբաբվեին կիսվել սոցիալական բնակարանների կառուցման իր փորձով։ Զեմուն հայտարարել է, որ աֆրիկյան երկիրը շահագրգռված է դրանով և ռուսական պատվիրակությանը հրավիրել է Զիմբաբվե՝ աշխատուժի ապահովման ոլորտում համագործակցության վերաբերյալ բովանդակային քննարկում ունենալու։
Ռուսական ընկերությունները սկսել են զանգվածաբար աշխատողների փնտրել աֆրիկյան երկրներում՝ կադրերի աճող պակասի պայմաններում։ Այս մասին են վկայում hh.ru թափուր աշխատատեղերի ծառայության տվյալները։
Թարգմանությունը՝ Տաթև Ֆռանգյանի
