07.11.2024 | 17:19
Էկոպարեկային ծառայության վերազինման համար նախատեսված է միջազգային գործընկների կողմից ներդրում․ ՏԵՍԱՆՅՈՒԹ
Շոյգուն հայտարարել է, թե արևմտյան երկրները «խանգարում են Հարավային Կովկասում իրավիճակի բարելավմանը»
Քաղաքականություն
07.11.2024 | 13:11
Իրավիճակը Հարավային Կովկասում շարունակում է մնալ բարդ, Ռուսաստանը տեսնում է դրա բարելավման նախադրյալները, սակայն Արևմուտքը խանգարում է դրան։ Այս մասին հայտարարել է ՌԴ Անվտանգության խորհրդի քարտուղար Սերգեյ Շոյգուն Մոսկվայում ԱՊՀ երկրների ԱԽ քարտուղարների հանդիպմանը, գրում է ՏԱՍՍ-ը։
«Ինչ վերաբերում է Հարավային Կովկասում տարածաշրջանային անվտանգությանը, իրավիճակը մնում է բարդ, սակայն բարելավման նախադրյալներ կան։ Դրան խանգարում են արտաքին խաղացողները, առաջին հերթին, Արևմուտքի երկրները։ Դա կրկին ապացուցում է այն թեզը, որ տարածաշրջանային խնդիրներին անհրաժեշտ են տարածաշրջանային լուծումներ»,-հայտարարել է Շոյգուն։
Ըստ նրա՝ Մոսկվան ակնկալում է, որ հոկտեմբերի 18-ին Թուրքիայում կայանացած «3+3»-ի ԱԳ նախարարների հանդիպումից հետո հարթակի աշխատանքները կակտիվանան։
«Հարավային Կովկասում մենք արել և շարունակում ենք անել հնարավորը, որպեսզի ամրապնդենք «3+3» տարածաշրջանային խորհրդատվական հարթակը։ Ակնկալում ենք, որ նախարարական հանդիպումից հետո այդ մեխանիզմի աշխատանքը ակտիվանա»,- ասել է ՌԴ ԱԽ քարտուղարը։
Հավելենք, որ ԱՊՀ երկրների ԱԽ քարտուղարների հանդիպմանը Հայաստանը ներկայացնում է ՌԴ-ում ՀՀ դեսպան Գուրգեն Արսենյանը։
Թարգմանությունը՝ Էմմա Չոբանյանի
