08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ալիևը չի մասնակցի Բուդապեշտում մեկնարկող Եվրոպական քաղաքական համայնքի գագաթնաժողովին
Քաղաքականություն
07.11.2024 | 13:20
Ադրբեջանի նախագահ Իլհամ Ալիևը չի մասնակցի այսօր Հունգարիայում մեկնարկող Եվրոպական քաղաքական համայնքի հինգերորդ գագաթնաժողովին: Ադրբեջանական աղբյուրները հայտնում են, թե «աշխատանքային զբաղվածության պատճառով Իլհամ Ալիևը չի մեկնի Եվրոպական քաղաքական համայնքի գագաթնաժողովին․ նոյեմբերի 5-6-ը Ալիևը Բիշքեկում մասնակցել է Թյուրքական պետությունների ղեկավարների գագաթնաժողովին, իսկ նոյեմբերի 8-ին նախագահը կմասնակցի «Հաղթանակի» օրվան նվիրված միջոցառումներին» (խոսքը Արցախյան 44-օրյա պատերազմի ավարտի մասին է)։
Հիշեցնենք, որ այս տարվա հուլիսին Մեծ Բրիտանիայում տեղի ունեցած Եվրոպական քաղաքական համայնքի չորրորդ գագաթնաժողովին Ալիևը մասնակցել է։
Հավելենք, որ ՀՀ վարչապետ Նիկոլ Փաշինյանը Բուդապեշտում է՝ մասնակցելու գագաթնաժողովին։ Նախատեսված են նաև նրա երկկողմ հանդիպումներ միջազգային գործընկերների հետ։
Թարգմանությունը՝ Էմմա Չոբանյանի
