17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
ՌԴ ԱՀԾ-ն հայտարարել է, թե «Վաշինգտոնը համառորեն Հայաստանին մղում է ազգային «ինքնասպանության»»
Քաղաքականություն
07.11.2024 | 12:14
ՌԴ Արտաքին հետախուզության ծառայությունը հայտարարություն է տարածել Հայաստանի վերաբերյալ՝ նշելով, թե ԱՄՆ-ը ցանկանում է Հայաստանին վերջնականապես վերակողմնորոշել դեպի արևմտամետ զարգացում, փոխանցում է ՏԱՍՍ-ը։
«ԱՄՆ Պետքարտուղարությունը նկատելիորեն արագացրել է Հայաստանում արևմտամետ քաղաքացիական հասարակության կառույցների գործունեությունը խթանող միջոցառումների համալիրի աշխատանքը։ Վաշինգտոնում կարևոր են համարում ուժեղացնել «ուղղորդող ազդեցությունը» Հայաստանի քաղաքական վերնախավի վրա՝ խրախուսելու Երևանին արագացնել դեպի զարգացման արևմտամետ ձևաչափ վերջնականապես վերակողմնորոշման գործընթացը վերջնական վերակողմնորոշման գործընթացը։ Ամերիկացիները ծրագրում են այս խնդիրը լուծել՝ օգտագործելով Ուկրաինայում և Մոլդովայում փորձարկված սխեմաները»,- ասվում է ռուսական ԱՀԾ-ի հայտարարության մեջ։
Նշվում է, թե, իբր, այդ նպատակին հասնելու համար «հայ ժողովուրդը ստիպված կլինի վճարել՝ հրաժարվելով սեփական ավանդույթներից, ազգային սոցիալական հիմքերից և կայուն առևտրատնտեսական կապերից իր ԵՏՄ մերձավոր գործընկերների հետ», և որ այդպիսով, իբր, «Վաշինգտոնը համառորեն Հայաստանին մղում է ազգային «ինքնասպանության»»։
Թարգմանությունը՝ Էմմա Չոբանյանի
