18.07.2026 | 18:39
Իրանը հայտարարել է, որ ԱՄՆ հարվածից հետո շուրջ 30 գյուղ մնացել է առանց խմելու ջրի
ԱՊՀ երկրների ԱԽ քարտուղարների նիստին Հայաստանը կներկայացնի ՌԴ-ում դեսպան Գուրգեն Արսենյանը
Քաղաքականություն
06.11.2024 | 14:03
Վաղը՝ նոյեմբերի 7-ին Մոսկվայում տեղի կունենա ԱՊՀ անդամ երկրների Անվտանգության խորհուրդների քարտուղարների տարեկան 12-րդ նիստը, որը նախագահելու է ՌԴ Անվտանգության խորհրդի քարտուղար Սերգեյ Շոյգուն։ Այս մասին հայտնել է ՌԴ Անվտանգության խորհրդի մամուլի ծառայությունը, փոխանցում է Ինտերֆաքսը։
«Շոյգուն հանդես կգա զեկույցով միջազգային, տարածաշրջանային և ազգային անվտանգության ոլորտում տիրող իրավիճակի մասին, կտեղեկացնի ԱՊՀ-ում մարտահրավերների և սպառնալիքների դեմ պայքարի ոլորտում կատարված աշխատանքների մասին»,- ասվում է հաղորդագրության մեջ։
Հանդիպմանն առանձին քննարկվելու են նաև տեղեկատվական անվտանգության և Աֆղանստանի հետ փոխգործակցության խնդիրները։
Նշվում է, որ հանդիպմանը մասնակցելու են ԱՊՀ անդամ երկրների Անվտանգության խորհուրդների քարտուղարները, ԱՊՀ գլխավոր քարտուղար Սերգեյ Լեբեդևը և ՀԱՊԿ գլխավոր քարտուղար Իմանգալի Տասմագամբետովը, ՌԴ-ում Հայաստանի դեսպան Գուրգեն Արսենյանը, ինչպես նաև Մոլդովայի սոցիալիստների կուսակցության ներկայացուցիչ Մարչել Չենուշան։
Թարգմանությունը՝ Էմմա Չոբանյանի
