06.11.2024 | 18:32
Հայաստանի արտաքին առևտրաշրջանառությունը հունվար-սեպտեմբերին կազմել է ավելի քան 23 մլրդ դոլար
Էրդողանը շնորհավորել է Թրամփին ԱՄՆ ընտրություններում հաղթանակի կապակցությամբ
Քաղաքականություն
06.11.2024 | 13:48
Չնայած դեռևս պաշտոնապես չի հայտարարվել է ԱՄՆ նախագահական ընտրություններում Դոնալդ Թրամփի հաղթանակի մասին, նա շարունակում է շնորհավորանքներ ստանալ համաշխարհային առաջնորդներից։ Թուրքիայի նախագահ Ռեջեփ Թայիփ Էրդողանը Դոնալդ Թրամփին ԱՄՆ նախագահական ընտրություններում հաղթանակի կապակցությամբ շնորհավորելիս նրան անվանել է «ընկեր» և մաղթել ընտրական գործընթացի բարենպաստ արդյունքներ ԱՄՆ-ի և ամբողջ մարդկության համար։
«Ես շնորհավորում եմ իմ ընկեր Դոնալդ Թրամփին, որը մեծ պայքարից հետո հաղթեց Միացյալ Նահանգների նախագահական ընտրություններում ու վերընտրվեց ԱՄՆ նախագահի պաշտոնում։ Ցանկանում եմ, որպեսզի ընտրությունները բարենպաստ լինեն Միացյալ Նահանգների բարեկամական ու դաշնակից ժողովուրդների ոև ամբողջ մարդկության համար»,- Էրդողանի շնորհավորանքի տեքստն է հրապարակել Թուրքիայի ղեկավարի գրասենյակը։
Հիշեցնենք, որ Թրամփին արդեն շնորհավորել են ՆԱՏՕ-ի գլխավոր քարտուղար Մարկ Ռյուտեն, Հունգարիայի վարչապետ Վիկտոր Օրբանը, Ֆրանսիայի նախագահ Էմանուել Մակրոնը, Լիտվայի նախագահ Գիտանաս Նաուսեդան, Լատվիայի նախագահ Էդգարս Ռինկևիչը, Ուկրաինայի նախագահ Վլադիմիր Զելենսկին, Իսրայելի վարչապետ Բենիամին Նեթանյահուն, Սերբիայի նախագահ Ալեքսանդր Վուչիչը, Ավստրիայի կանցլեր Կարլ Նեհամերը, Սալվադորի նախագահ Նայիբ Բուկելեն, Իտալիայի փոխվարչապետ Մատեո Սալվինին, Վրաստանի վարչապետ Իրակլի Կոբախիձեն և այլք։
Թարգմանությունը՝ Տաթև Ֆռանգյանի
