06.12.2025 | 13:49
Վթարային ջրանջատում Աբովյան քաղաքի մի շարք թաղամասերում
Մակրոնն ու Տոկաևն իրենց աջակցությունն են հայտնել ՀՀ-Ադրբեջան խաղաղության պայմանագրի արագ ստորագրմանը
Քաղաքականություն
06.11.2024 | 11:33
Ֆրանսիայի նախագահ Էմանուել Մակրոնը և Ղազախստանի նախագահ Կասիմ-Ժոմարտ Տոկաևը համատեղ հայտարարություն են ընդունել երկու երկրների միջև ռազմավարական գործընկերության ամրապնդման վերաբերյալ, որում անդրադարձ կա նաև Հայաստանի և Ադրբեջանի հարաբերությունների կարգավորմանը։
Մասնավորապես, Մակրոնն ու Տոկաևն իրենց լիակատար աջակցությունն են հայտնել Հայաստանի և Ադրբեջանի միջև հարաբերությունների կարգավորմանը և հնարավորինս արագ պայմանագրի ստորագրմանը, որը թույլ կտա տարածաշրջանում արդար և կայուն խաղաղություն հաստատել՝ հարգելով երկու պետությունների տարածքային ամբողջականությունը և հիմք ընդունելով Ալմա-Աթայի 1991թ. հռչակագիրը։
Երկու նախագահներն ընդգծել են Հարավային Կովկասում կայունության կարևորությունը՝ Անդրկասպյան միջանցքի զարգացման համար։
Թարգմանությունը՝ Էմմա Չոբանյանի
