05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Պուտինը հայտարարել է, թե «Մոսկվան ամեն ինչ անում է Բաքվի և Երևանի հարաբերությունները կարգավորելու համար»
Քաղաքականություն
05.11.2024 | 15:47
Ռուսաստանն ամեն ինչ անում է հայ-ադրբեջանական հարաբերությունները կարգավորելու և Երևանի ու Բաքվի միջև խաղաղության պայմանագիր ստորագրելու համար։ ՏԱՍՍ-ի փոխանցմամբ՝ դեսպանների հավատարմագրերի հանձնման արարողության ժամանակ այս մասին հայտարարել է ՌԴ նախագահ Վլադիմիր Պուտինը։
«Մեր համագործակցությունը Հայաստանի և Ադրբեջանի հետ կառուցված է նույն ոգով։ Մենք արել և անում ենք ամեն ինչ՝ ադրբեջանա-հայկական հարաբերությունները կարգավորելու և Անդրկովկասում կայուն խաղաղություն ապահովելու համար։
Մենք կշարունակենք աջակցել խաղաղության պայմանագրի, պետական սահմանի սահմանազատման և տնտեսական ու տրանսպորտային կապերի ապաշրջափակման աշխատանքներին՝ 2020-2022 թվականների հայտնի եռակողմ համաձայնագրերին համապատասխան»,- ասել է Պուտինը։
ՌԴ նախագահը նաև ուշադրություն է հրավիրել հոկտեմբերին Կազանում կայացած BRICS-ի գագաթնաժողովում Հայաստանի և Ադրբեջանի ղեկավարների օգտակար զրույցի ուղղությամբ։
«Չեմ կարող չհայտնել իմ գոհունակությունը, որ Ադրբեջանի և Հայաստանի ղեկավարներն օգտվեցին Կազանում BRICS-ի գագաթնաժողովի հարթակից և օգտակար զրույց ունեցան՝ տարածաշրջանում կայուն խաղաղության և ազգամիջյան ներդաշնակության հասնելու հիմնարար հարցերի շուրջ»,- ընդգծել է նա։
Թարգմանությունը՝ Տաթև Ֆռանգյանի
