05.11.2024 | 17:27
Թբիլիսիի դատարանը 3 ամսով երկարացրել է Բաքվի կողմից հետապնդվող ադրբեջանցի ընդդիմադիր լրագրողի կալանքը
Առնվազն 10 հազար հյուսիսկորեացի զինվորներ Կուրսկի շրջանում են․ Պենտագոն
Քաղաքականություն
05.11.2024 | 12:45
Հյուսիսային Կորեայից 11-ից 12 հազար զինվորականներ արդեն ժամանել են Ռուսաստան, որոնցից առնվազն 10 հազարը գտնվում են Կուրսկի մարզում։ Այս մասին ճեպազրույցում հայտարարել է ԱՄՆ Պաշտպանության նախարարության խոսնակ, գեներալ-մայոր Փեթ Ռայդերը, գրում է BBC-ի ռուսական ծառայությունը։
Նա նշել է, որ Պենտագոնը տեղեկություն չունի՝ արդյո՞ք նրանք արդեն մասնակցում են ռազմական գործողություններին, սակայն կանխատեսում են, որ նրանք կարող են մարտի մեջ մտնել ուկրաինական զորքերի դեմ։ Այդպիսով, նրանք կդառնան օրինական ռազմական թիրախներ։
Նախօրեին Ուկրաինայի նախագահ Վլադիմիր Զելենսկին, վկայակոչելով հետախուզական տվյալները, հայտարարել էր հյուսիսկորեացի 11 հազար զինծառայողների մասին, որոնք, ըստ նրա, գտնվում են Կուրսկի շրջանում, որտեղ Ուկրաինայի զինված ուժերը կռվում են ռուսական բանակի դեմ։
Մոսկվան չի հերքում Հյուսիսային Կորեայից զինվորականների առկայությունը Ռուսաստանում, սակայն չի հայտնում, թե ինչպես է նախատեսում օգտագործել նրանց։ Արևմուտքն էլ Հյուսիսային Կորեայի զինված ուժերի ներգրավումը համարում է Ռուսաստանի և Ուկրաինայի միջև հակամարտության սրացում։
Թարգմանությունը՝ Էմմա Չոբանյանի
