22.11.2024 | 14:03
Բաքուն COP29-ի շրջանակներում «Ադրբեջանական Երևան» միջոցառում է անցկացնելու
Ֆրանսիայում դատական գործ է հարուցվել TikTok-ի դեմ դեռահասների մահվան պատճառով
Քաղաքականություն
04.11.2024 | 20:01
Ֆրանսիայում յոթ ընտանիք հայց է ներկայացրել TikTok սոցիալական ցանցի դեմ՝ հարթակին մեղադրելով իրենց երեխաներին վնասակար բովանդակության ազդեցության ենթարկելու համար, ինչի հետևանքով 15-ամյա երկու դեռահասներ ինքնասպանություն են գործել։ Այս մասին հայտնում է Reuters լրատվական գործակալությունը՝ վկայակոչելով փաստաբան Լաուրա Բուտրոն-Մարմիոնին։
Հայցվորները պնդում են, որ TikTok-ի ալգորիթմը յոթ դեռահասների ցուցադրել է տեսանյութեր, որոնք քարոզում են ինքնասպանություն, ինքնավնասում և ուտելու խանգարումներ:
Ընտանիքները համատեղ հայց են ներկայացրել Կրետեյ քաղաքի դատարան։ Փաստաբանը հայտարարել է, որ սա Եվրոպայում առաջին նմանօրինակ դատական հայցն է։
«Ծնողները ցանկանում են, որ TikTok-ի իրավական պատասխանատվությունը ճանաչվի դատարանում։ Սա առևտրային ընկերություն է, որնը ապրանք է առաջարկում նաև անչափահաս սպառողներին, ուստի նրանք պետք է պատասխանատվություն կրեն արտադրանքի թերությունների համար»,- ընդգծել է իրավապաշտպանը։
Թարգմանությունը՝ Տաթև Ֆռանգյանի
