22.11.2024 | 15:07
Քննարկվել է անդրազգային հանցավորության դեմ պայքարում համագործակցությունը
Մոլդովայի ԿԸՀ-ն հայտարարել է նախագահական ընտրություններում լուրջ խախտումների բացակայության մասին
Քաղաքականություն
04.11.2024 | 17:00
Մոլդովայի Կենտրոնական ընտրական հանձնաժողովի նախագահ Անժելա Կարամանը հայտնել է, որ նախագահական ընտրությունների երկրորդ փուլի ընթացքում գրանցվել է 255 խախտում։ Սակայն, ըստ նրա, լուրջ խնդիրներ չեն եղել:
Ընտրությունների ընթացքում խախտումների թվում նա նշել է քվեաթերթիկների լուսանկարումը, ընտրությունների օրը քարոզարշավը և ընտրողների կազմակերպված տեղափոխումը։ Բելցի և Նոր Անենի քաղաքների ընտրատեղամասերում կորել են քվեարկության կնիքները։
Կարամանը նշել է, որ Մոլդովայի Կենտրոնական ընտրական հանձնաժողովն առաջին անգամ բախվել է ականապատման վերաբերյալ անանուն զանգերի։ Նման զանգերի պատճառով քվեարկության գործընթացն ընդհատվել է արտերկրի վեց ընտրատեղամասերում և Մերձդնեստրի երկու ընտրատեղամասերում։
Արձանագրությունների 99,86%-ի հաշվարկից հետո երկրորդ փուլում առաջատար է Մոլդովայի գործող նախագահ Մայա Սանդուն՝ ձայների 55,41%-ով։ Նրա մրցակիցը՝ նախկին գլխավոր դատախազ Ալեքսանդր Ստոյանոգլոն, 44,59 տոկոս ձայն է ստացել։ Ընտրություններին մասնակցությունը կազմել է 54,34 տոկոս։
Թարգմանությունը՝ Տաթև Ֆռանգյանի
