19.12.2025 | 16:49
Ինձ չեն ստիպել, ես եմ դիմում գրել, դուրս եկել. Աղազարյանի որդին՝ ՔՊ-ից և աշխատանքից դուրս գալու մասին․ ՏԵՍԱՆՅՈՒԹ
Ուրուգվայի ԱԳՆ-ն ողջունում է Հայաստանի և Ադրբեջանի սահմանազատման հանձնաժողովների գրանցած առաջընթացը
Քաղաքականություն
04.11.2024 | 12:54
Ուրուգվայի ԱԳՆ-ն հայտարարություն է տարածել Հարավային Կովկասում խաղաղության գործընթացի և ՀՀ-Ադրբեջան հարաբերությունների կարգավորման վերաբերյալ։
«Ուրուգվայը կարևորում է Հայաստանի Հանրապետության և Ադրբեջանի Հանրապետության միջև սահմանների սահմանազատման և անվտանգության հանձնաժողովների աշխատանքում գրանցված առաջընթացը, որը ներառում է 2024 թվականի նոյեմբերի 1-ից սահմազատման շարունակման համար համաձայնեցված կանոնակարգի ուժի մեջ մտնելը՝ հիմնված տարածքային ամբողջականության սկզբունքի վրա և միջազգայնորեն ճանաչված սահմաններին համապատասխան»,- ասվում է հայտարարության մեջ։
Նշվում է, որ այս ձեռքբերումները փոխադարձ վստահության ամրապնդման նոր նշան են և հիմնարար քայլեր երկու երկրների միջև հարաբերությունների կարգավորման ու վերջնական խաղաղության հասնելու նպատակին հասնելու համար, որը կայունություն, բարգավաճում և զարգացում կբերի ամբողջ տարածաշրջանին։
Թարգմանությունը՝ Էմմա Չոբանյանի
