09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Գյումրիի ավագանու «Բալասանյան դաշինքը» 13 թափուր մանդատ ունի, 1 թեկնածու մանդատ է վերցրել
Քաղաքականություն
01.11.2024 | 19:22
Գյումրիի ավագանու թափուր մանդատների հարցով այսօր հրավիրված թիվ 31 ԸԸՀ-ի նիստում արձանագրություն է կազմվել, ըստ որի` «Բալասանյան դաշինքը»13 թափուր մանդատ ունի, դաշինքի հերթական համարի թեկնածու Էմմա Հովհաննիայանը վերցրել է մանդատը:
Հոկտեմբերի 28-ին թիվ 31 ընտրատարածքային ընտրական հանձնաժողովը հայտարարություն էր տարածել՝ տեղեկացնելով, որ Գյումրիի ավագանու 14 անդամի, այդ թվում՝ համայնքի ղեկավարի, պարտականությունները վաղաժամ դադարեցվել են: Նույն օրը Գյումրիի քաղաքապետարանի ավագանու «Բալասանյան դաշինք»-ի անդամները, քաղաքապետ Վարդգես Սամսոնյանի գլխավորությամբ մանդատները վայր էին դրել։
Իսկ ԱԺ «Քաղաքացիական պայմանագիր» խմբակցության պատգամավոր Կարեն Սարուխանյանը Factor.am-ի հետ զրույցում չէր հերքել, որ Գյումրիի քաղաքապետի ՔՊ-ի թեկնածուն ինքն է լինելու։
Հիշեցնենք, որ 2021 թվականին Գյումրիում տեղի ունեցած ՏԻՄ ընտրություններից հետո «Բալասանյան դաշինքը» և Նիկոլ Փաշինյանի ղեկավարած ՔՊ-ն կոալիցիա կազմեցին, բայց 2023 թվականի դեկտեմբերին «Քաղաքացիական պայմանագիրը» միակողմանիորեն խզեց «Բալասանյան դաշինքի» հետ երկու տարի առաջ ստորագրած համագործակցության մասին հուշագիրը՝ նշելով, թե համայնքը կառավարվում է այլ ուժերի կողմից։ Այս բաժանումից հետո Բալասանյանի մյուս որդին՝ Միսակ Բալասանյանը, հետ կանչվեց Իրաքում ՀՀ դեսպանի պաշտոնից։ Նա դեսպան էր նշանակվել 2023 թվականի սեպտեմբերին։
