31.10.2024 | 23:28
PKK-ի բարձրաստիճան ղեկավարն Անկարայի հետ խաղաղության նոր գործընթացը կապում է Օջալանի «ֆիզիկական ազատության» հետ
Ադրբեջանի ՊՆ ղեկավարը Մարոկկոյում ռազմական ցուցահանդեսի է մասնակցել
Քաղաքականություն
31.10.2024 | 23:13
Ադրբեջանի պաշտպանության նախարար Զաքիր Հասանովը Մարոկկո կատարած աշխատանքային այցի ընթացքում մասնակցել է Marrakech Air Show 2024-ի բացման արարողությանը։ Հասանովը ծանոթացել է համաշխարհային առաջատար միջազգային ընկերությունների կողմից ցուցահանդեսում ներկայացված ռազմական ավիացիայի, աերոնավտիկայի և տիեզերական արդյունաբերության ոլորտում նորարարություններին, գրում են տեղական լրատվամիջոցները։
Ցուցահանդեսին, որը կգործի մինչև նոյեմբերի 2-ը, տեղի կունենան պանելային քննարկումներ պաշտպանական արդյունաբերության տեխնոլոգիական նորարարությունների, կայուն ռազմավարության մշակման, անօդաչու թռչող սարքերի կատարելագործման և այլ թեմաներով:
Հավելենք, որ Զաքիր Հասանովը նախօրեին երկկողմ բանակցություններ է անցկացրել մարոկկացի իր գործընկերոջ հետ, որի ավարտին Ադրբեջանն ու Մարոկկոն ռազմական ոլորտում համագործակցության պայմանագիր են ստորագրել։
Թարգմանությունը՝ Էմմա Չոբանյանի
