08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ-ն հարվածել է Խարկովում բազմահարկ բնակելի շենքի․ զոհեր և տասնյակ վիրավորներ կան․ ՏԵՍԱՆՅՈՒԹ
Քաղաքականություն
31.10.2024 | 11:35
Ռուսական զորքերը հոկտեմբերի 30-ի երեկոյան հարվածներ են հասցրել Խարկովում գտնվող ինը հարկանի բնակելի շենքի, ինչի հետևանքով զոհվել է 2 մարդ, վիրավորվել՝ 34-ը։ Այս մասին հայտնել է շրջանային ռազմական վարչակազմի ղեկավար Օլեգ Սինեգուբովը։
Նրա խոսքով՝ 11-ամյա երեխա է մահացել։ Նրան փլատակների տակից դուրս են բերել գլխի վնասվածքներով և կոտրվածքներով, սակայն կյանքը փրկել չի հաջողվել։ Մյուս զոհի ինքնությունը պարզվում է։
Հարվածը հասցվել է կառավարվող ավիառումբի միջոցով։ Խարկովի քաղաքապետ Իգոր Տերեխովը հայտնել է, որ հարվածի հետևանքով շենքի չորս հարկն ամբողջությամբ ավերվել է։ Բակում այրվել են նաև մի քանի մեքենաներ։
Ուկրաինայի նախագահ Վլադիմիր Զելենսկին, մեկնաբանելով հարձակումը, կոչ է արել կանգնեցնել Ռուսաստանին։
«Գործընկերներն ամեն օր տեսնում են, թե ինչ է կատարվում, և այս պայմաններում նրանց հետաձգված յուրաքանչյուր որոշում նշանակում է առնվազն տասնյակ, նույնիսկ հարյուրավոր ռուսական ռումբեր: Նրանց որոշումները մեր մարդկանց կյանքերն են։ Այդ պատճառով մենք միասին պետք է կանգնեցնենք Ռուսաստանին և դա անենք հնարավոր ամբողջ ուժով»,- նշել է նա։
Թարգմանությունը՝ Տաթև Ֆռանգյանի
