16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Կրեմլը հերքում է ՌԴ-ի և Ուկրաինայի բանակցությունների մասին տեղեկությունները
Քաղաքականություն
30.10.2024 | 19:50
ՌԴ նախագահի մամուլի քարտուղար Դմիտրի Պեսկովը «կեղծիք» է անվանել բրիտանական «Financial Times»-ի այն տեղեկությունը, որ Մոսկվան և Կիևը Կատարի միջնորդությամբ վերսկսել են բանակցությունները՝ դադարեցնելու միմյանց էներգետիկ ենթակառուցվածքի օբյեկտների վրա հարձակումները։
«Հիմա կան բազմաթիվ կեղծիքներ, որոնք փոխանցվում են որպես իրականություն: Նույնիսկ հեղինակավոր պարբերականները չեն խուսափում դրանից»,- Պեսկովի խոսքերն է մեջբերում The Moscow Times-ը։
Նա, միաժամանակ, հաստատել է FT-ի տվյալները, ըստ որոնց՝ Ռուսաստանը չի բանակցելու, քանի դեռ Ուկրաինայի Զինված ուժերը Կուրսկի մարզում են։
«Սա նախագահի խաղաղության նախաձեռնության հիմնական պայմանն է։ Այո՛, [զորքերի] դուրսբերում ռուսական տարածքներից։ Այսինքն՝ նաև նոր շրջաններից»,- նշել է Կրեմլի խոսնակը։
Թարգմանությունը՝ Տաթև Ֆռանգյանի
