06.12.2025 | 14:15
Ժաննա Անդրեասյանը Լեհաստան կգործուղվի
Վրաստանի ԿԸՀ-ն ընտրությունների արդյունքներով բաշխել է մանդատները խորհրդարանում
Քաղաքականություն
29.10.2024 | 21:43
Վրաստանում հինգ ընտրական սուբյեկտ հաղթահարել է 5 տոկոսի շեմը։ Անցողիկ շեմը չհաղթահարած կուսակցություններին տրված ձայները երկու պատգամավորական մանդատ է, դրանք բաշխվել են «Վրացական երազանք»-ի և «Հանուն փոփոխությունների» կոալիցիայի միջև՝ որպես երկրորդ տեղը զբաղեցրած ուժի, գրում է Գրուզիա օնլայնը:
Այսպիսով, ըստ Կենտրոնական ընտրական հանձնաժողովի՝ «Վրացական երազանքը» ստացել է 89 մանդատ, «Հանուն փոփոխությունների կոալիցիան»՝ 19 մանդատ, «Միասնություն՝ Ազգային շարժումը»՝ 16 մանդատ, «Ուժեղ Վրաստանը»՝ 14 մանդատ, «Հանուն Վրաստանի Գախարիան»՝ 12 մանդատ։
Կենտրոնական ընտրական հանձնաժողովը պարզաբանում է, որ սրանք 3111 ընտրատեղամասերից 3110-ի տվյալների հիման վրա են ստացվել, քանի որ Մառնեուլիի շրջանում մեկ ընտրատեղամասի տվյալները չեղարկվել են։
Հիշեցնենք, որ Վրաստանի ընդդիմությունը չի ճանաչում ընտրությունների արդյունքները՝ պնդելով, որ դրանք կեղծվել են, և հրաժարվում է խորհրդարան մտնել։
Թարգմանությունը՝ Տաթև Ֆռանգյանի
