30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Կանադան հայտարարել է Վրաստանի հետ հարաբերությունների վերանայման մասին
Քաղաքականություն
29.10.2024 | 13:47
Կանադան կվերանայի հարաբերությունները Վրաստանի հետ՝ հաշվի առնելով երկրում խորհրդարանական ընտրությունների անցկացումը և արդյունքները։ Այս մասին ասվում է Կանադայի ԱԳՆ հայտարարության մեջ։
«Մեծ յոթնյակի ու Եվրոպայի մեր գործընկերների հետ համաձայնեցնելով, ինչպես նաև այս ընտրությունների անցկացման և արդյունքների լույսի ներքո, Կանադան կվերանայի իր հարաբերությունները Վրաստանի ղեկավարության հետ», – ասվում է հայտարարության մեջ:
Օտտավան պատրաստ է համագործակցել վրացական իշխանությունների հետ, եթե նրանք հարգեն ժողովրդավարությունը, մարդու իրավունքները, օրենքի գերակայությունը և «լուծեն ժողովրդավարությունից վերջին շրջանի հետքայլի խնդիրը»։ Կանադան անհանգստացած է ընտրողների ահաբեկման, կաշառակերության և այլ խախտումների «համատարած» դեպքերով, որոնք արձանագրվել են միջազգային դիտորդների կողմից։
Օտտավան հայտարարել է, որ անհրաժեշտ է հետաքննել այս փաստերը և «գործողություններ ձեռնարկել»:
«Մենք կոչ ենք անում բոլոր կողմերին պահպանել հանգստություն, իսկ Վրաստանի իշխանություններին՝ հարգել մարդկանց իրավունքներն ու անվտանգությունը խաղաղ ցույցերի ժամանակ»,- ասվում է հայտարարության մեջ։
Թարգմանությունը՝ Տաթև Ֆռանգյանի
