07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Թուրքիայի 45 նահանգներում ԻԼԻՊ-ի հետ կապված ավելի քան 200 անձ է ձերբակալվել
Քաղաքականություն
28.10.2024 | 13:13
Թուրքիայում հատուկ ծառայությունները ամբողջ երկրում անցկացրած «GÜRZ-23» գործողության ընթացքում ԻԼԻՊ-ի հետ կապեր ունեցող 216 անձի են ձերբակալել։ Այս մասին X-ում հայտնել է Թուրքիայի ներքին գործերի նախարար Ալի Երլիքայան։
«ԻԼԻՊ ահաբեկչական կազմակերպության դեմ «GÜRZ-23» գործողության ընթացքում 45 նահանգներում ձերբակալվել է 216 կասկածյալ»,- գրել է Երլիքայան՝ նշելով, որ գործողություններ են իրականացվել Ադանա, Ադըյաման, Աֆյոնքարահիսար, Ամասիա, Անկարա, Անթալիա, Բաթման, Բիլեջիկ, Բինգյոլ, Բիթլիս, Բոլու, Բուրսա, Չորու, Դենիզլի, Դիարբեքիր, Դուզջե, Էլազըղ, Էրզրում, Էսքիշեհիր, Գազիանթեփ, Հաթայ, Իսպարտա, Ստամբուլ, Կայսերի, Քըրըքքալե, Քըրշեհիր, Քիլիս, Քոջաելի, Քոնիա, Քյութահիա, Մանիսա, Մերսին, Մուղլա, Նևշեհիր, Նիղդե, Օրդու, Օսմանիե, Սաքարիա, Սամսուն, Շանլըուրֆա, Թոքաթ, Յոզղաթում և Յալովա նահանգներում։
Նախարարը նշել է, որ ձերբակալված կասկածյալների նկատմամբ հետաքննություն է սկսվել՝ կազմակերպության ֆինանսավորման հետ կապված։
Գործողություններն իրականացվել են երկրի Գլխավոր դատախազության, Անվտանգության հետախուզության գլխավոր վարչության, նահանգային ոստիկանության բաժինների համակարգմամբ։
Թարգմանությունը՝ Էմմա Չոբանյանի
