08.10.2026 | 17:52
Եվրախորհրդարանը կոչ է անում պատժամիջոցներ սահմանել Իրանում, Վրաստանում և Ադրբեջանում բռնաճնշումների պատասխանատուների նկատմամբ
Եթե կա համընդհանուր աղքատություն և թշվառություն, բարեկեցությունը աչքի փուշ է դառնում․ Փաշինյան․ ՏԵՍԱՆՅՈՒԹ
Տնտեսություն
28.10.2024 | 11:01
Յուրաքանչյուր քաղաքացու բարեկեցությունը որոշակիորեն փոխկապակցված է ՀՀ համընդհանուր բարեկեցության հետ, այս մասին ԱԺ-ում 2025 թվականի պետական բյուջեի մասին օրենքի նախագծի նախնական քննարկման ժամանակ ասաց վարչապետ Նիկոլ Փաշինյանը:
«Հնարավոր է լավ վաստակել, բայց համընդհանուր թշվառության և աղքատության միջավայրում այդ վաստակը վայելելու բերկրանք և հնարավորություն չունենալ, այլ ընդհակառակը՝ ունենալ մեկուսացվածության ու տագնապի զգացողություն, որ աշխատանքով ձեռք բերածդ կարող է կորսվել ապօրինի ինչ-ինչ ազդեցությունների հետևանքով: Եթե կա լայնածավալ թշվառություն և աղքատություն, հատվածական բարեկեցությունն առաջնային թիրախ է և «աչքի փուշ»: Ատելություն է ձևավորվում ցանկացած բարեկեցիկ միջավայրի նկատմամբ: Հետևաբար` երբ ես ասում եմ, պետական բյուջեն մեր մեծ ընտանեկան բյուջեն է, դա համերաշխության մասին է»,- կարծիք հայտնեց գործադիրի ղեկավարը։
Մանրամասները՝ տեսանյութում։
