20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Վրաստանի նախագահը կոչ է արել դուրս գալ փողոց՝ բողոքի ցույցերի
Քաղաքականություն
28.10.2024 | 11:03
Վրաստանի նախագահ Սալոմե Զուրաբիշվիլին հատուկ ասուլիսի ժամանակ հայտարարել էր, որ չի ճանաչում խորհրդարանական ընտրությունների պաշտոնական արդյունքները։ Ըստ նրա՝ այս ընտրությունների ճանաչումը կնշանակի «Ռուսաստանի ժամանում և Վրաստանի ենթարկեցում»։ «Ես դրա համար չեմ եկել այս երկիր։ Մեր նախնիները դրա համար չեն ապրել, և մենք դա չենք ընդունի», – ասել է նախագահը։
Զուրաբիշվիլին ընդդիմության կողմնակիցներին կոչ է արել այսօր երեկոյան 19։00-ին հավաքվել Ռուսթավելի պողոտայում, որտեղ տեղակայված է Վրաստանի խորհրդարանիօ շենքը։ Այս հայտարարությունն արվել է հիմնական ընդդիմադիր քաղաքական կուսակցությունների հետ խորհրդակցություններից հետո, փոխանցում է Գրուզիա օնլայնը։
Ավելի վաղ կիրակի օրը հայտարարություն էր տարածել ԵԱՀԿ-ի, Եվրոպայի խորհրդի, Եվրախորհրդարանի և ՆԱՏՕ-ի միջազգային դիտորդների համատեղ առաքելությունը։ Դրանում ասվում է, որ Վրաստանում քվեարկության օրը «մթագնվել է խաղի անհավասար կանոններով, ճնշումներով և լարված մթնոլորտով»:
Հայտարարելով, որ քվեարկության գործընթացը ընդհանուր առմամբ լավ կազմակերպված է եղել, դիտորդները նաև նշել են, որ ներկա «լարված իրավիճակը» և «անհավասար խաղաղի պայմանները» խաթարում են վստահությունը ընտրությունների արդյունքների նկատմամբ։ Արդյունքում, ինչպես հետևում է համատեղ հայտարարությունից, Վրաստանում ընտրական գործընթացը բավարար չափով չի համապատասխանել միջազգային ժողովրդավարական սկզբունքներին։
Թարգմանությունը՝ Տաթև Ֆռանգյան
