30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
ԱՀԿ-ն կորցրել է կապը Գազայի հիվանդանոցի անձնակազմի հետ Իսրայելի հարձակումից հետո
Քաղաքականություն
25.10.2024 | 20:49
Առողջապահության համաշխարհային կազմակերպությունը (ԱՀԿ) կորցրել է կապը Գազայի հատվածի հյուսիսում գտնվող Քամալ Ադվան հիվանդանոցի անձնակազմի հետ ուրբաթ առավոտյան իսրայելական բանակի հարձակումից հետո: Այս մասին սոցցանցում գրառմամբ հայտնել է ԱՀԿ ղեկավար Թեդրոս Ադհանոմ Գեբրեյեսուսը, գրում է ՌԻԱ Նովոստին։
«Այս առավոտ Գազայի հյուսիսում գտնվող Քամալ Ադվան հիվանդանոցի վրա հարձակման մասին հաղորդումներից հետո մենք կորցրել ենք կապը տեղում գտնվող անձնակազմի հետ: Սա խորապես մտահոգիչ է՝ հաշվի առնելով բուժվող հիվանդների և այնտեղ ապաստանած մարդկանց թիվը»,- ասվում է հաղորդագրության մեջ։
Թեդրոսը հավելել է, որ հիվանդանոցը լցված է 200 հիվանդներով և հարյուրավոր փախստականներով։
Ուրբաթ ավելի վաղ ՄԱԿ-ի Մարդու իրավունքների գերագույն հանձնակատար Վոլկեր Թյուրքը հայտարարել էր, որ Իսրայելի գործողությունները Գազայի հատվածի հյուսիսային հատվածի բնակիչների դեմ պոտենցիալ հանցագործություն են մարդկության դեմ։
Թարգմանությունը՝ Տաթև Ֆռանգյանի
