07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Պեսկովը հայտարարել է, որ Թուրքիայի անդամակցությունը ԲՐԻԿՍ-ին կարևոր է կազմակերպության բոլոր անդամների համար
Քաղաքականություն
25.10.2024 | 22:28
ՌԴ նախագահի մամուլի քարտուղար Դմիտրի Պեսկովը կարևոր է համարել Թուրքիայի հնարավոր անդամակցությունը ԲՐԻԿՍ-ին, գրում է ՌԻԱ Նովոստին։
TRT World-ին տված հարցազրույցում, ի պատասխան կազմակերպությանը Թուրքիայի միանալու մասին հարցին, Պեսկովն ասել է, որ ԲՐԻԿՍ-ը ողջունում է նոր անդամների անդամակցությունը։ Սակայն, ըստ նրա, ԲՐԻԿՍ-ն ունի որոշակի ներուժ, և եթե այն «ծանրաբեռնվի», կարող են խնդիրներ առաջանալ դրա զարգացման գործում։ Նա նշել է, որ ԲՐԻԿՍ-ի անդամներն այժմ քննարկում են ապագայում կազմակերպության աշխատանքին նոր երկրների մասնակցության կարգը։
«Անկասկած, Թուրքիայի անդամակցությունը ԲՐԻԿՍ-ին կարևոր է կազմակերպության բոլոր անդամների համար։ Թուրքիան տարածաշրջանային ուժ է, որը շատ կարևոր դերակատարում ունի համաշխարհային քաղաքականության մեջ։ Դրա համար էլ բոլորը շահագրգռված են Թուրքիային հրավիրել՝ մասնակցելու այդ գործընթացին»,- հայտարարել է Պեսկովը՝ նշելով, որ միությունը մտադիր չէ հանդես գալ որպես այլ կազմակերպությունների մրցակից։
Հավելենք, որ հոկտեմբերի 22-ից 24-ը Կազանում անցկացված ԲՐԻԿՍ-ի գագաթնաժողովին մասնակցել է նաև Թուրքիայի նախագահ Ռեջեփ Թայիփ Էրդողանը։
Թարգմանությունը՝ Էմմա Չոբանյանի
