07.10.2026 | 18:47
Անհրաժեշտության դեպքում խստացված հսկողություն կկիրառենք․ Ավանեսյանը՝ ՌԴ-ում ժանտախտի բռնկման մասին
Էրդողանը հայտնել է «Ուկրաինայում հրադադարի՝ Պուտինի ցանկության» մասին
Քաղաքականություն
25.10.2024 | 14:10
Թուրքիայի նախագահ Ռեջեփ Թայիփ Էրդողանը Կազանից վերադառնալիս ինքնաթիռում լրագրողների հետ զրույցում անդրադարձել է ԲՐԻԿՍ-ի գագաթնաժողովի շրջանակում ՌԴ նախագահ Վլադիմիր Պուտինի հետ հանդիպմանը։ Նա նշել է, որ բանակցություններում տեսել է ՌԴ նախագահ Վլադիմիր Պուտինի՝ «Ուկրաինայում հրադադարի ցանկությունը»։
«Բացի Սևծովյան հացահատիկային միջանցքի աշխուժացման և ականազերծման խնդիրներից՝ մենք Վլադիմիր Պուտինի և նրա պատվիրակության հետ հանդիպման ժամանակ տեսանք, որ ակնկալիքներ կան գերիների փոխանակման հետ կապված։ Ներկայում մենք ուշադիր հետևում ենք փոխանակման հետ կապված քայլերին։ Շարունակելու ենք անել հնարավորը, որպեսզի խնդիրները լուծվեն դիվանագիտական ճանապարհով»,- ասել է Թուրքիայի նախագահը։
Նա հավելել է՝ Անկարայի ցանկությունն է՝ շուտափույթ բանակցություններ սկսել երկու երկրների միջև խաղաղության հասնելու համար։
«Մենք շարունակելու ենք անխոնջ աշխատել դրան հասնելու համար։ Շարունակում ենք ընդգծել, որ պատերազմում հաղթողներ և խաղաղ պայմաններում պարտվողներ չեն լինելու։ Այս պատերազմն անպայման կավարտվի, և մենք ձգտում ենք այն ավարտին հասցնել առանց ավելի շատ արյուն ու արցունք թափելու»,- հայտարարել է Էրդողանը։
Թարգմանությունը՝ Էմմա Չոբանյանի
