09.09.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Հնդկաստանի վարչապետը չի մասնակցի Բաքվում կայանալիք COP29-ին
Քաղաքականություն
24.10.2024 | 19:34
Հնդկաստանի վարչապետ Նարենդրա Մոդին ժամանակացույցի հետ կապված խնդիրների պատճառով կարող է բաց թողնել ՄԱԿ-ի Կլիմայի փոփոխության կոնֆերանսը՝ COP29-ը, որը կկայանա հաջորդ ամիս Ադրբեջանում։ Այս մասին ասել են իրավիճակին ծանոթ աղբյուրները, գրում է The Hindustan Times-ը։
Նշվում է, որ այս զարգացումը բացառում է Հնդկաստանի առաջնորդի և Պակիստանի իր պաշտոնակից Շահբազ Շարիֆի հանդիպման հնարավորությունը, որին ձգտում էր Իսլամաբադը։
Սպասվում է, որ COP29-ում Հնդկաստանի պատվիրակությունը կգլխավորի շրջակա միջավայրի և կլիմայի փոփոխության հարցերի նախարար Բհուփենդեր Յադավը, լրատվամիջոցին հայտնել են իրավիճակին տեղյակ չորս անձինք՝ անանունության պայմանով։
UNFCCC-ի կողմից հրապարակված պետությունների կամ կառավարությունների ղեկավարների մասնակցության մասին փաստաթղթի համաձայն՝ Չինաստանի նախագահ Սի Ցզինպինը, ԱՄՆ նախագահ Ջո Բայդենը և Ֆրանսիայի նախագահ Էմանուել Մակրոնը նույնպես այն առաջնորդների թվում են, որոնք, ըստ կանխատեսումների, բաց կթողնեն COP29-ը:
Ընդհանուր առմամբ, 106 պետությունների կամ կառավարությունների ղեկավարներ մինչ այժմ հաստատել են, որ ելույթ կունենան COP29-ի Համաշխարհային առաջնորդների կլիմայական գործողությունների գագաթնաժողովում։
Իսրայելի վարչապետ Բենիամին Նեթանյահուն ևս չի հաստատել իր մասնակցությունը։
Թարգմանությունը՝ Էմմա Չոբանյանի
