07.10.2026 | 13:45
Հայաստանի հետ փաստացի խաղաղությունը դեռ չի նշանակում խաղաղության գործընթացի ավարտ․ Ալիևի ներկայացուցիչ
Թուրքիայի ՆԳՆ-ն պարզել է ահաբեկչության մասնակից կնոջ ինքնությունը
Քաղաքականություն
24.10.2024 | 19:11
Փորձագետները պարզել են Անկարայում տեղի ունեցած ահաբեկչությանը մասնակցած կնոջ, ինչպես նաև նրա հետ սպանված գրոհայինի ինքնությունը։ Պարզվել է, որ նա Թուրքիայում արգելված Քուրդիստանի աշխատավորական կուսակցության անդամ է, հայտարարել է Թուրքիայի ներքին գործերի նախարար Ալի Երլիքայան, գրում է ՌԻԱ Նովոստին։
Ահաբեկչությունը տեղի է ունեցել չորեքշաբթի Անկարայում՝ ռազմական ինքնաթիռներ և տիեզերական տեխնիկա արտադրող թուրքական TUSAŞ կորպորացիայի շենքի մոտ, որին հաջորդել են կրակոցներ։ Իրավապահ մարմինները վերացրել են երկու հարձակվողներին։
Անկարայի գլխավոր դատախազությունը ահաբեկչության գործով հետաքննություն է սկսել։
Ահաբեկչության հետևանքով զոհվել է 5 մարդ, վիրավորվել՝ 22-ը: Թուրքական իշխանությունները կարծում են, որ Անկարայում տեղի ունեցած ահաբեկչությունը, ամենայն հավանականությամբ, իրականացրել են Քուրդիստանի աշխատավորական կուսակցության անդամները։
Թարգմանությունը՝ Տաթև Ֆռանգյանի
