24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Հնդկաստանն արգելափակել է ԲՐԻԿՍ-ին Թուրքիայի անդամակցությունը
Քաղաքականություն
24.10.2024 | 15:30
Թուրքիայի նախագահ Ռեջեփ Թայիփ Էրդողանը ցանկանում է միանալ ԲՐԻԿՍ-ին և հայտ է ներկայացրել կազմակերպության 16-րդ գագաթնաժողովին ընդառաջ։ Սակայն նա ստիպված է թաղել այդ գաղափարը, գրում է BILD-ը։
Քարնեգի հիմնադրամի թուրքական արտաքին քաղաքականության հարցերով փորձագետ, նախկին դիվանագետ Սինան Ուլգենը BILD-ին ասել է, որ Հնդկաստանը խոչնդոտում է ԲՐԻՍԿ-ին Թուրքիային միանալուն։ Պատճառն Անկարայի լավ հարաբերություններն են Հնդկաստանի նկատմամբ թշնամաբար տրամադրված Պակիստանի հետ։
Ուլգենի խոսքով՝ Էրդողանը ցանկանում է ՌԴ նախագահ Վլադիմիր Պուտինի դաշինքի հետ մերձեցում՝ Թուրքիայի «ռազմավարական ինքնավարությունն» ամրապնդելու համար։ Բացի այդ, նա այդպիսով իր հիասթափությունն է արտահայտում ԵՄ-ից։
Մյուս շարժառիթը «քաղաքական հեղինակությունն» է։ Էրդողանը ցանկանում է ցույց տալ, որ «կարող է միաժամանակ նստել ՆԱՏՕ-ի և ԲՐԻԿՍ-ի սեղանների շուրջ»։ Նա իրեն համարում է «միջնորդ» միջազգային ասպարեզում։ Քննադատներն ասում են, որ նման մանևրումներով Էրդողանը Թուրքիային մղել է արտաքին քաղաքական մեկուսացման։
Լրատվամիջոցը նշում է, որ վերջերս Իրանը, Եգիպտոսը, Եթովպիան, Արաբական Միացյալ Էմիրությունները և Սաուդյան Արաբիան են միացել ԲՐԻԿՍ-ին։
Թուրքիայից բացի՝ անդամակցության հայտ են ներկայացրել Ադրբեջանն ու Մալայզիան։
Թարգմանությունը՝ Էմմա Չոբանյանի
