08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ Պետդուման վավերացրել է Հյուսիսային Կորեայի հետ «համապարփակ ռազմավարական գործընկերության» համաձայնագիրը
Քաղաքականություն
24.10.2024 | 14:34
ՌԴ Պետդուման հինգշաբթի ընդունել է ԿԺԴՀ-ի հետ պայմանագիրը վավերացնելու մասին օրինագիծը, որը ստորագրվել է Վլադիմիր Պուտինի և Կիմ Չեն Ընի կողմից ամռանը Փհենյանում, փոխանցում է BBC-ի ռուսական ծառայությունը։
Պայմանագրի վավերացման մասին օրենքն ընդունվել է միաձայն, կողմ է քվեարկել է 397 պատգամավոր։
ՌԴ փոխարտգործնախարար Անդրեյ Ռուդենկոն, Պետդումայում ներկայացնելով համաձայնագիրը, ասել է, որ փաստաթղթում գաղտնի կետեր չկան։ Միաժամանակ, նա ընդգծել է 4-րդ հոդվածի «առանձնահատուկ նշանակությունը», որը նախատեսում է երկրներից մեկի վրա հարձակման դեպքում փոխադարձ ռազմական օգնության տրամադրում։
Ավելի վաղ ամերիկյան The Wall Street Journal-ը գրել էր, որ համաձայնագիրը գաղտնի դրույթ է պարունակում Ուկրաինայի հետ պատերազմին հյուսիսկորեացի զինվորականներ ուղարկելու մասին։ Հարավային Կորեայի հետախուզությունը և ԱՄՆ պաշտպանության նախարարությունը պնդում են, որ ԿԺԴՀ-ից մի քանի հազար զինվորականներ արդեն մեկնել են Ռուսաստան։
ՌԴ ԱԳՆ-ն ո՛չ հաստատում, ո՛չ հերքում է այդ լուրերը, իսկ ՄԱԿ-ում Հյուսիսային Կորեայի ներկայացուցիչը դրանք անվանել է «անհիմն կարծրատիպային լուրեր»։
Սեուլը սպառնացել է պատասխան միջոցներ ձեռնարկել, որոնք կարող են ներառել Ուկրաինային զենքի մատակարարում՝ պատերազմին Փհենյանի մասնակցության դեպքում։
Թարգմանությունը՝ Տաթև Ֆռանգյանի
