08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ղազախստանը հրաժարվել է օգնել ՌԴ-ին՝ շրջանցել պատժամիջոցները
Քաղաքականություն
24.10.2024 | 14:12
Ղազախստանի իշխանությունները դեմ են, որ Ռուսաստանը երկրի տարածքն օգտագործի միջազգային պատժամիջոցները շրջանցելու համար։ Այս մասին հայտարարել է Ղազախստանի ԱԳ փոխնախարար Ռոման Վասիլենկոն, գրում է The Moscow Times-ը։
«Ղազախստանը պատժամիջոցներ չի կիրառել Ռուսաստանի դեմ, նաև չի միացել ՌԴ-ի դեմ պատժամիջոցներին։ Միաժամանակ, մենք չենք ցանկանում, որ մեր տարածքն օգտագործվի պատժամիջոցները շրջանցելու համար»,- ասել է Վասիլենկոն լեհական RAR գործակալությանը տված հարցազրույցում:
Նրա խոսքով՝ Աստանայի դիրքորոշումը բոլոր շահագրգիռ կողմերին «հայտնի և հասկանալի է», և դրան ըմբռնումով են վերաբերվում ինչպես Ռուսաստանում, այնպես էլ Արևմուտքում։ Վասիլենկոն ընդգծել է, որ ձեռնարկվում են բոլոր անհրաժեշտ միջոցները, որպեսզի պատժամիջոցները չշրջանցվեն, քանի որ հանրապետությունը «չի ցանկանում երկրորդական պատժամիջոցների կիրառում»։
Պաշտոնյան նաև նշել է, որ Աստանայի և Մոսկվայի երկկողմ հարաբերություններում «խնդիրներ չկան», բայց կան «տարբեր հարցեր», քանի որ երկու հարևան պետությունների հարաբերությունները «շատ բազմազան են»։
Թարգմանությունը՝ Տաթև Ֆռանգյանի
