22.10.2024 | 19:18
Մայքլ Քարփենթերը Փաշինյանին է փոխանցել Բայդենի նամակը
«Գազել»-ի, բեռնատարի և մարդատարի վթարից 3 տուժածներից մեկի վիճակը ծանր է
22.10.2024 | 14:49
Արթիկ-Երևան երթուղին սպասարկող «Գազել»-ի, բեռնատարի և մարդատար ավտոմեքենայի բախման հետևանքով 3 տուժած կա։ Տեղեկությունը Factor.am-ին փոխանցեց Առողջապահության նախարարի մամուլի քարտուղար Մարիամ Ծատրյանը։
«Տուժածներից երկուսը Ապարանի բշժկական կենտրոնում են, առողջական վիճակը միջին ծանրության։ Մեկ տուժած տեղափոխվել է Երևան, առողջական վիճակը այս պահին ծանր է» – ասաց Ծատրյանը։
Հիշեցնենք, որ այսօր ժամը 11:19-ին Ճգնաժամային կառավարման ազգային կենտրոն ահազանգ է ստացվել, որ Հնաբերդ-Գեղաձոր գյուղերի խաչմերուկում տեղի է ունեցել ՃՏՊ, բախվել են ավտոմեքենաներ, կան տուժածներ․ անհրաժեշտ է փրկարարների օգնությունը։
Արթիկ-Երևան երթուղին սպասարկող «Գազել»-ը բախվել է բեռնատարի և մարդատարի
«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Ծաղկահովիտ-Արթիկ ավտոճանապարհի 8-րդ կմ-ին բախվել են Արթիկ-Երևան երթուղին սպասարկող «GAZelle» մակնիշի մարդատար ավտոմեքենան (վարորդ՝ Զ․ Ա․, ծնված 1987 թ․), «ZIL» մակնիշի բեռնատարը (վարորդ՝ Ա․ Օ․, ծնված 1970 թ․) և «Opel» մակնիշի ավտոմեքենան (վարորդ՝ Ա․ Բ․ ծնված 1966 թ․)։ Մինչ փրկարարների կանչի վայր հասնելը՝ «GAZelle» մակնիշի ավտոմեքենայի ուղևորներին դուրս են բերել տեղի ուժերով․ վերջիններս հոսպիտալացվել են բժշկական կենտրոն։ Փրկարարները հոսանքազրկել են ավտոմեքենաները և փակել գազի բալոնի փականները»,- ասված է ՆԳՆ հաղորդագրության մեջ։
