23.06.2026 | 13:30
Կենտրոնում եք կանգառասրահներ դնում, մյուս վարչական շրջանների բնակիչներն ինչո՞վ են մեղավոր. Սարգսյան․ ՏԵՍԱՆՅՈՒԹ
G7-ը պատրաստվում է հակամարտության ավարտից հետո էլ չապասառեցնել ռուսական ակտիվները․ Nikkei
Քաղաքականություն
22.10.2024 | 21:10
G7-ը մտադիր չէ ապասառեցնել ռուսական ակտիվները նույնիսկ Ուկրաինայի հետ հակամարտության ավարտից հետո, ճապոնական Nikkei թերթին հայտնել են աղբյուրները։
Ըստ նրանց՝ համապատասխան պարտավորությունը նշված է G7-ի ղեկավարների համատեղ հայտարարության նախագծում, որը պատրաստել է Իտալիան։ Հայտարարության վերջնական տարբերակը կհրապարակվի այս տարվա վերջին։ Դրանում նաև կնշվի Կիևին 50 միլիարդ դոլարի վարկ տրամադրելու երաշխիքը՝ ռուսական սառեցված ակտիվներից եկամուտ ստանալու միջոցով։
G7-ի երկրները հունիսին հայտարարեցին Ուկրաինային մինչև տարեվերջ 50 միլիարդ դոլար հատկացնելու որոշման մասին՝ օգտագործելով ռուսական սառեցված ակտիվներից ստացված շահույթը:
Financial Times-ը գրել է, որ ԱՄՆ նախագահ Ջո Բայդենի վարչակազմը պատրաստ է այս գումարից հատկացնել 20 մլրդ դոլար։ Մեծ Բրիտանիան հայտարարել է, որ մոտ 3 մլրդ դոլար կուղարկի Ուկրաինա։
Սպասվում է, որ G7-ի ֆինանսների նախարարները վարկի պայմանների վերաբերյալ հայտարարությամբ հանդես կգան Վաշինգտոնում՝ Արժույթի միջազգային հիմնադրամի և Համաշխարհային բանկի համաժողովի շրջանակում։ Միջոցառումը տեղի կունենա հոկտեմբերի 21-ից 27-ը։
Թարգմանությունը՝ Տաթև Ֆռանգյանի
