11.08.2026 | 17:40
Ջուլհակյանի թեկնածությունը վտանգավոր է և սպառնալիք ՀՀ անվտանգության համար․ Էդգար Ղազարյան. ՏԵՍԱՆՅՈՒԹ
Արցախի ԱԳՆ ղեկավարն ընդունել է Կալիֆոռնիայի պատվիրակությանը
13.09.2018 | 20:42
Սեպտեմբերի 13-ին Արցախի Հանրապետության արտաքին գործերի նախարար Մասիս Մայիլյանն ընդունել է ԱՄՆԿալիֆորնիա նահանգի պատվիրակությանը, որի կազմում էին Կալիֆոռնիայի Սենատի անդամ Էնթընի Պորտանտինոն և Գլենդելի քաղաքապետ Զարեհ Սինանյանը. տեղեկացնում են ԱՀ ԱԳՆ աշխատակազմից:
Ողջունելով պատվիրակության այցն Արցախ՝ ԱԳՆ ղեկավարն ընդգծել է Արցախի անկախության սատարմանն ուղղված Կալիֆոռնիայի Վեհաժողովի և Սենատի համատեղ բանաձևի ընդունման կարևորությունը և համոզմունք հայտնել, որ այն ամուր հիմքեր է ապահովել Արցախի և Կալիֆոռնիայի միջև տարբեր բնագավառներում արդյունավետ համագործակցություն հաստատելու համար։
Հանդիպմանը քննարկվել են ընթացիկ նախագծերը և Արցախի ու Կալիֆոռնիայի միջև տնտեսության, մշակույթի, կրթության և առողջապահության ոլորտներում գործնական ծրագրերի իրականացման հեռանկարները։ Անդրադարձ է կատարվել նաև տարբեր ոլորտների ներկայացուցիչների փոխայցելությունների կազմակերպման հնարավորություններին՝ փորձի փոխանակման և Արցախում մասնագետների որակավորման աստիճանի բարձրացման նպատակով։
Կողմերը մտքեր են փոխանակել նաև Կալիֆոռնիայում Արցախի ճանաչելիության և ներկայացվածության խթանմանն ուղղված անելիքների շուրջ։
