11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Մոլդովայի քաղաքացիների մեծամասնությունը կողմ է արտահայտվել եվրոպական ուղուն․ Սանդու
Քաղաքականություն
21.10.2024 | 20:50
Մոլդովայի քաղաքացիներն արտահայտել են իրենց կամքը, մեծամասնությունը կողմ է Եվրամիությանն անդամակցությանը, ճեպազրույցի ժամանակ ասել է Մայա Սանդուն, որը հավակնում է նախագահական երկրորդ ժամկետի։
Արձանագրությունների 99%-ի մշակումից հետո եվրաինտեգրմանը կողմ է արտահայտվել ընտրողների 50,29%-ը, դեմ՝ 49,71%-ը։
Սանդուն ասել է, որ հանրաքվեի մասնակիցները «փրկում են առաջընթացի ճանապարհը»:
«Մոլդովայի ժողովուրդն արտահայտեց իր կամքը, իսկ քաղաքացիների մեծամասնությունը պաշտպանեց եվրոպական ուղին»,- ասել է երկրի նախագահը։
Մոլդովայում նախագահական ընտրությունները և ԵՄ-ին միանալու հարցով հանրաքվեն անցկացվել են միաժամանակ։
Ընտրություններում առաջատարը Մայա Սանդուն է՝ 42,31 տոկոս ձայնով, երկրորդ տեղում նախկին գլխավոր դատախազ Ալեքսանդրու Ստոյանոգլոն է՝ 26,07 տոկոս ձայնով։ Երկուսն էլ չեն կարողացել հավաքել 50%-ից ավելի, ուստի երկրում կանցկացվի ընտրությունների երկրորդ փուլ։ Այն նախատեսված է նոյեմբերի 3-ին։
Մայա Սանդուն իր հակառակորդին բանավեճի է հրավիրել։
Թարգմանությունը՝ Տաթև Ֆռանգյանի
