26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
ՔՊ-ականները եկել էին կողմ քվեներ ապահովելու համար․ ո՛չ հարց, ո՛չ ելույթ
Քաղաքականություն
21.10.2024 | 15:44
Ազգային ժողովի արտաքին հարաբերությունների մշտական հանձնաժողովում քննարկվեց և դրական եզրակացություն ստացավ Հայաստանի և Ադրբեջանի միջև պետական սահմանի սահմանազատման հանձնաժողովների կանոնակարգը։ Հիմնական զեկուցողը փոխվարչապետ, սահմանազատման հարցերով հանձնաժողովի նախագահ Մհեր Գրիգորյանն էր։
Քննարկումն անցավ ակտիվ` առանց միջադեպերի, ինչին ժամանակ առ ժամանակ ականատես է լինում հանրությունը։ Նիստին մասնակցում էին իշխող ուժի և «Հայաստան» խմբակցության պատգամավորները։ «Պատիվ ունեմ»-ից որևէ պատգամավոր չկար, ՔՊ-ից բացակա էր Մարիա Կարապետյանը։ Ելույթներով թիմին օգնության էր եկել Պետաիրավական հարցերի հանձնաժողովի նախագահ Վլադիմիր Վարդանյանը։
Նիստին ակտիվ էին հիմնականում Քոչարյանի թիմակից պատգամավորները` իրացրեցին թե՛ հարցի, թե՛ ելույթների իրենց իրավունքը։ ՔՊ-ականները պասիվ էին։ Հանձնաժողովի անդամներ Լենա Նազարյանը, Հասմիկ Հակոբյանը և Էդուարդ Աղաջանյանը որևէ հարց չտվեցին ու ելույթ չունեցան, տպավորություն էր, որ նրանք եկել էին միայն կողմ քվեարկելու համար։ Հանձնաժողովից ելույթ ունեցավ միայն Հռիփսիմե Գրիգորյանը։
Վաղը մեկնարկում է ԱԺ լիագումար նստաշրջանը, որի ընթացքում կանոնակարգի նախագիծը ևս քննարկվելու է։ Հնարավոր է, որ ընդդիմադիրներն ընդհանրապես չմասնակցեն հարցի քննարկմանը։
Նարեկ Կիրակոսյան
