24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ԵՄ-ն կխստացնի Ռուսաստանի դեմ պատժամիջոցները Հունգարիայի նախագահության ավարտից հետո. Politico
Քաղաքականություն
21.10.2024 | 16:57
Եվրամիությունը մտադիր է խստացնել Ռուսաստանի դեմ տնտեսական պատժամիջոցներն այն բանից հետո, երբ ավարտվի Հունգարիայի՝ որպես ԵՄ խորհրդի նախագահի մանդատը, գրում է Politico-ն։ Պարբերականի զրուցակիցների խոսքով՝ Հունգարիայի վարչապետ Վիկտոր Օրբանն օգտագործել է երկրի նախագահությունը՝ «գործնականորեն դադարեցնելու պատժամիջոցների շուրջ բանակցությունները»։
Հունգարիան ԵՄ Խորհրդում նախագահությունը ստանձնել է 2024 թվականի հուլիսի 1-ին։ Հունվարի 1-ից մանդատը հերթականության կարգով կփոխանցվի Լեհաստանին։ Լեհաստանի կլիմայի նախարար Քշիշտոֆ Բոլեստն ավելի վաղ հայտարարել էր Եվրոպա ռուսական վառելիքի ներմուծման ավելացման մասին։ Նրա խոսքով՝ դա «անհրաժեշտ է լուծել»։
Դիվանագիտական աղբյուրը Politico-ին ասել է, որ ԵՄ երկրները հույսը դնում են Լեհաստանի վրա՝ «վերակենդանացնելու փշոտ խնդիրները»։
«Հուսով ենք, որ բոլոր հարցերը, որոնք դարձել են Հունգարիայի կողմից ոչ կառուցողական արգելափակման պատանդը, հրատապ լուծում կստանան»,- հավելել է նա։
ԵՄ-ն հունիսին ներկայացրել է Ռուսաստանի դեմ պատժամիջոցների վերջին՝ 14-րդ փաթեթը։ Այն ընդգրկել է 116 իրավաբանական և ֆիզիկական անձ։
Թարգմանությունը՝ Տաթև Ֆռանգյանի
