08.10.2026 | 15:44
Ռուսաստանը հարվածել է Կրամատորսկում ուղևորատար ավտոբուսների․ զոհվել է 30 մարդ, ևս 18-ը՝ վիրավորվել
Պենտագոնի ղեկավարը չհայտարարված այցով ժամանել է Կիև
Քաղաքականություն
21.10.2024 | 12:29
Պենտագոնի ղեկավար Լլոյդ Օսթինը չհայտարարված այցով երկուշաբթի վաղ առավոտյան ժամանել է Կիև։ Այս մասին հայտնում է CNN-ը՝ նշելով, որ այցը տեղի է ունենում այն ժամանակ, երբ Վաշինգտոնի կողմից Ուկրաինային տրամադրվող օգնության ապագան կախված է ԱՄՆ գալիք նախագահական ընտրություններից, և Ռուսաստանը շարունակում է փոքր, բայց կայուն ձեռքբերումներ ունենալ մարտի դաշտում:
Օսթինը Կիևում հանդիպելու է Ուկրաինայի նախագահ Վլադիմիր Զելենսկիի և պաշտպանության նախարար Ռուստեմ Ումերովի հետ՝ քննարկելու Ուկրաինայի սպառազինության կարիքները և այն, թե ինչպես ԱՄՆ-ը կարող է շարունակել աջակցել երկրի զինված ուժերին հաջորդ տարվա ընթացքում։
Պաշտպանության նախարարության բարձրաստիճան պաշտոնյան ասել է, որ այցը նաև հնարավորություն կլինի՝ տեսնելու ԱՄՆ-Ուկրաինա հարաբերությունների «աղեղը» վերջին երկուսուկես տարվա պատերազմի ընթացքում։ Պաշտոնյան նաև նշել է, որ ուկրաինացիները, ձմռան մոտենալուն զուգահեռ, հայտնվել են «շատ բարդ իրավիճակում» ռուսների դեմ։
Նախորդ անգամ Լլոյդ Օսթինը Կիև էր այցելել 2023 թվականի նոյեմբերի 20-ին։
Թարգմանությունը՝ Էմմա Չոբանյանի
