14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Արշակյանը հանդիպել է ԱՍԵԱՆ միջխորհրդարանական վեհաժողովի գլխավոր քարտուղարին
Քաղաքականություն
20.10.2024 | 16:42
ՀՀ ԱԺ նախագահի տեղակալ Հակոբ Արշակյանը եւ պատգամավոր Լիլիթ Ստեփանյանը հանդիպել են ԱՍԵԱՆ միջխորհրդարանական վեհաժողովի գլխավոր քարտուղար Սիթի Ռոզամարիենտի Դաթո Հաջի Աբդուլ Ռահմանի հետ:
ԱԺ փոխնախագահը շնորհակալություն է հայտնել գլխավոր քարտուղարին՝ Հայաստանին դիտորդի կարգավիճակ տրամադրելու հարցում աջակցելու համար:
Հանդիպմանը քննարկվել են ՀՀ ԱԺ եւ ԱՍԵԱՆ խորհրդարանական վեհաժողովի հետ համագործակցության հնարավոր հեռանկարները:
Յանթի Ռահմանն իր հերթին կարեւորել է Հայաստանի մասնակցությունն AIPA-ի աշխատանքներին՝ այն համարելով կարեւոր հարթակ ԱՍԵԱՆ ԽՎ-ի հետ կապեր հաստատելու թե՛ բազմակողմ, թե՛ երկկողմ մակարդակներում:
Կողմերը համագործակցությունը շարունակելու պատրաստակամություն են հայտնել:
