22.11.2024 | 19:45
16-ամյա աղջկա սպանության մեղադրանքով արդարացվածները կրկին կանգնեցին դատարանի առաջ. ՄԻԵԴ վճիռն անտեսվեց. ՏԵՍԱՆՅՈՒԹ
Ժամանակն է դադարեցնել պատերազմը Գազայում. Բայդենը՝ Նեթանյահուին
Քաղաքականություն
18.10.2024 | 16:16
Իսրայելը պաշտոնապես հաստատել է ՀԱՄԱՍ-ի առաջնորդ Յահյա Սինվարի սպանությունը։ Նույն օրը ԱՄՆ նախագահ Ջո Բայդենը և Իսրայելի վարչապետ Բենիամին Նեթանյահուն հեռախոսազրույց են ունեցել, հայտնում է Axios-ը։
ԱՄՆ նախագահը Նեթանյահուին զանգահարել է Air Force One-ից Գերմանիա մեկնելու ճանապարհին։ Նա Իսրայելի վարչապետին ասել է, որ Սինվարի ոչնչացումից հետո ժամանակն է «առաջ շարժվել» և դադարեցնել պատերազմը Գազայում։
«Առաջնորդները համաձայնել են, որ այժմ հնարավոր է ապահովել պատանդների ազատ արձակումը, և ընդգծել, որ իրենք միասին կաշխատեն այդ նպատակին հասնելու համար»,- հայտնել են Իսրայելի վարչապետի գրասենյակից։
Սպիտակ տունը հայտնել է, որ Բայդենն ու Նեթանյահուն քննարկել են՝ «ինչպես օգտագործել այս պահը պատանդներին տուն բերելու և պատերազմը դադարեցնելու համար՝ պաշտպանելով Իսրայելին և թույլ չտալով ՀԱՄԱՍ-ին վերականգնել վերահսկողությունը Գազայի վրա»:
Ջո Բայդենն ամիսներ շարունակ առաջ է քաշում Գազայում պատանդների ազատ արձակման և հրադադարի համաձայնագրի կնքումը: Նա հուսով է, որ բեկման կհասնի փակուղու մեջ գտնվող բանակցություններում՝ նախքան 2025 թվականի հունվարի 20-ին պաշտոնից հեռանալը։
Թարգմանությունը՝ Տաթև Ֆռանգյանի
