08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՀՀ-ի հետ «պատմական և պաշտոնական խաղաղության» կնքումը ճանապարհ կհարթի տարածաշրջանի անշրջելի զարգացման համար․ Թուրքիայի ԱԳ նախարար
Քաղաքականություն
18.10.2024 | 12:49
Թուրքիայի ԱԳ նախարար Հաքան Ֆիդանը նախօրեին Haber Global-ին տված հարցազրույցում անդրադարձել է այսօր Ստամբուլում մեկնարկած «3+3» հարթակի ԱԳ նախարարների հանդիպմանը։ Թուրքական լրատվամիջոցների փոխանցմամբ՝ նա նշել է, որ Թուրքիայի, Հայաստանի, ՌԴ-ի, Իրանի և Ադրբեջանի ԱԳ նախարարները քննարկելու են ինչպես իրավիճակը Հարավային Կովկասում, այնպես էլ հայ-ադրբեջանական կարգավորումը։
Այդ կապակցությամբ Ֆիդանը հիշեցրել է «տարածաշրջանային պատասխանատվության» հայեցակարգը, որը Թուրքիան շեշտում է վերջին տարիներին։ Նրա խոսքով՝ Թուրքիան դիտարկում է «3+3» հարթակը և տարածաշրջանային նախաձեռնությունները «տարածաշրջանային պատասխանատվության» հայեցակարգի շրջանակում։
Ըստ թուրք պաշտոնյայի՝ տարածաշրջանի երկրները պետք է միավորեն ուժերը և ինքնուրույն լուծեն իրենց խնդիրները, այլ ոչ թե սպասեն «հեգեմոնի գալուն»։
Նա, միաժամանակ, հայտարարել է, որ Հայաստանի հետ «պատմական և պաշտոնական խաղաղության» կնքումը ճանապարհ կհարթի տարածաշրջանի անշրջելի կայունության, բարգավաճման և զարգացման համար։
Թարգմանությունը՝ Էմմա Չոբանյանի
