30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Հըզբոլլահ»-ը հայտարարել է Իսրայելի հետ պատերազմի նոր փուլի մասին
Քաղաքականություն
18.10.2024 | 12:25
Լիբանանում ցամաքային գործողության մեկնարկից ի վեր Իսրայելի բանակի կորուստները կազմել են 55 սպանված և ավելի քան 500 վիրավոր։ Այս մասին հայտնել է լիբանանյան «Հըզբոլլահ» խմբավորումը՝ միաժամանակ հայտարարելով Իսրայելի դեմ պատերազմի նոր փուլի սկզբի մասին, փոխանցում է Կոմերսանտը։
Խմբավորման հայտարարության մեջ ասվում է, որ իր հարյուրավոր զինյալներ «լիովին պատրաստ են դիմակայելու Իսրայելի ցանկացած ցամաքային ներխուժման» հարավային Լիբանանում: «Հըզբոլլահ»-ը նաև նշել է, որ վերջին օրերին Իսրայելի վրա հարձակումներն ավելացել են։
«Իսլամական դիմադրության օպերատիվ շտաբը հայտարարում է իսրայելական թշնամու հետ առճակատման նոր և էսկալացիոն փուլի անցնելու մասին, որը կազդի առաջիկա օրերին իրադարձությունների զարգացման վրա»,- խոստացել են խմբավորումից։
Սեպտեմբերի 23-ին Իսրայելը Լիբանանում սկսել է «Հյուսիսի նետեր» գործողությունը: Իսրայելի իշխանությունները հոկտեմբերի 1-ին մեկնարկած ցամաքային գործողության նպատակն անվանել են «Հըզբոլլահ»-ի սպառնալիքի վերացումն ու 60 հազար տարհանված իսրայելցիներին հյուսիսում սահմանամերձ բնակավայրեր վերադարձնելը։ Հոկտեմբերի 16-ին իսրայելական ուժերը վեցօրյա ընդմիջումից հետո վերսկսել են հարվածները Բեյրութի ուղղությամբ։
Թարգմանությունը՝ Տաթև Ֆռանգյանի
