07.10.2026 | 16:15
Գարեգին Երկրորդը իրավաբանների ու սահմանադրագետների հետ քննարկել է Եկեղեցու դեմ նախաձեռնությունները
Եվրոպական խորհուրդը հաստատել է ԵՄ-ին Վրաստանի անդամակցության գործընթացի կասեցումը
Քաղաքականություն
18.10.2024 | 11:21
Եվրոպական խորհուրդը կարծում է, որ Վրաստանի կառավարության գործողությունները հակասում են եվրոպական արժեքներին ու սկզբունքներին, հետևաբար, Եվրամիությանը (ԵՄ) երկրի անդամակցության գործընթացը փաստացի կանգ է առել։ Այս մասին ասվում է Բրյուսելում կայացած գագաթնաժողովի արդյունքներով խորհրդի հայտարարության մեջ։
«Եվրոպական խորհուրդը հիշեցնում է, որ գործողությունների նման ընթացքը վտանգում է Վրաստանի եվրոպական ուղին և դե ֆակտո դադարեցնում է անդամակցության գործընթացը»,- ասվում է մամուլի հայտարարարությունում։
Եվրոպական խորհուրդը Վրաստանին կոչ է արել ընդունել «ժողովրդավարական, համապարփակ և կայուն բարեփոխումներ՝ եվրոպական ինտեգրման հիմնական սկզբունքներին համապատասխան»։
Վրաստանի հարաբերություններն արևմտյան երկրների հետ վատթարացան այն բանից հետո, երբ մայիսին Վրաստանի խորհրդարանը հաստատեց «օտարերկրյա գործակալներիվ մասին օրենքը։ Փաստաթուղթը ստացել է խորհրդարանականների աջակցությունը՝ չնայած երկրում զանգվածային բողոքի ցույցերին։
Վրաստանի նախագահ Սալոմե Զուրաբիշվիլին Սահմանադրական դատարանի միջոցով փորձել է կասեցնել օրենքի գործողությունը, սակայն դատարանը մերժել է։
ԵՄ-ն քննարկում է Վրաստանի հետ առանց վիզայի ռեժիմը չեղարկելու հարցը:
Թարգմանությունը՝ Տաթև Ֆռանգյանի
