23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիան աշխատում է արագացնել Eurofighter կործանիչների գնումը․ բանակցություններ են ընթանում Գերմանիայի հետ
Քաղաքականություն
17.10.2024 | 22:37
Թուրքիան տեխնիկական աշխատանքներ է իրականացնում՝ նպատակ ունենալով արագացնել Eurofighter Typhoon կործանիչների ծրագրված գնումը։ Այս մասին ասել է Թուրքիայի Պաշտպանության նախարարության պաշտոնյան, գրում է Reuters-ը։
Անկարան անցյալ տարի հայտարարել էր, որ բանակցություններ է վարում Eurofighter կոնսորցիումի անդամներ Մեծ Բրիտանիայի և Իսպանիայի հետ ինքնաթիռները գնելու հարցով, թեև Գերմանիան դեմ է այդ գաղափարին: Դրանից հետո Անկարան բողոքել է Բեռլինից, որի պատճառով այդ հարցում առաջընթաց չկա։
Անցյալ ամիս Թուրքիայի նախագահ Ռեջեփ Թայիփ Էրդողանը ՄԱԿ-ի Գլխավոր վեհաժողովի շրջանակում հանդիպել է Գերմանիայի կանցլեր Օլաֆ Շոլցի հետ։ Վերջինը պատրաստվում է Էրդողանին հանդիպել նաև շաբաթ Ստամբուլում։ Սպասվում է, որ կողմերը կքննարկեն ինքնաթիռների հարցը:
«Տեխնիկական աշխատանքներ են տարվում Eurofighter Typhoon կործանիչների գնման ուղղությամբ։ Աշխատանքն ուղղված է գործընթացի արագացմանը։ Դրա համար ոչ մի պայման չի առաջադրվում»,- լրագրողներին ասել է ՊՆ պաշտոնյան։
Թարգմանությունը՝ Էմմա Չոբանյանի
