«Երկուստեք գոհունակությամբ ընդգծել ենք Հայաստանի և Գերմանիայի միջև ձևավորված քաղաքական երկխոսությունը և կարևորել փոխշահավետ համագործակցության հետագա խորացումը: Քննարկել ենք նաև արդեն իսկ ձեռքբերված պայմանավորվածությունների իրականացման ընթացքը:
Հանդիպմանը հանգամանալից անդրադարձ ենք կատարել տարածաշրջանային և արտատարածաշրջանային զարգացումներին։ Անդրադառնալով Հարավային Կովկասի անվտանգային իրավիճակին՝ մտքեր ենք փոխանակել Հայաստան-Ադրբեջան հարաբերությունների կարգավորման գործընթացի վերջին զարգացումների շուրջ։ Վերոնշյալի շրջանակներում ընդգծել եմ Հայաստանի պատրաստակամությունը հնարավորինս արագ կնքել Ադրբեջանի հետ խաղաղության պայմանագիրը»:
