21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
Չինաստանն ավարտել է զորավարժությունները Թայվանի շուրջ
Քաղաքականություն
14.10.2024 | 20:28
Չինաստանի Ժողովրդական ազատագրական բանակն (PLA) ավարտել է Թայվանի շուրջ «Joint Sword-2024B» զորավարժությունները։ Այս մասին հայտարարել է չինական զորքերի մարտական հրամանատարության արևելյան գոտու ներկայացուցիչ Լի Սին, փոխանցում է Reuters-ը։
«PLA-ի Արևելյան մարտական հրամանատարական գոտին հոկտեմբերի 14-ին հաջողությամբ ավարտեց Joint Sword 2024B զորավարժությունները»,- ասել է նա:
Լի Սին նաև ընդգծել է, որ զորավարժությունները ցույց են տվել չինական բանակի բոլոր ճյուղերի համատեղ գործողությունների բարձր ներուժը։
Ավելի վաղ հայտնի էր դարձել, որ չինական բանակը փորձարկում է Թայվանի ափերի մոտ առանցքային թիրախների ուղղությամբ բարձր ճշգրտությամբ հարվածներ հասցնելու հնարավորությունը։ Ըստ Bloomberg-ի՝ զորավարժությունների ընթացքում առաջին անգամ Չինաստանի իշխանությունները հրապարակայնորեն խոստովանել են, որ դրանք ներառում են Թայվանի «առանցքային նավահանգիստների և տարածքների շրջափակման» սցենար:
Թարգմանությունը՝ Տաթև Ֆռանգյանի
