08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
ՀԱՄԱՍ-ը «Սեպտեմբերի 11»-ի ոճով հարձակում էր ծրագրում Իսրայելում․ WP
Քաղաքականություն
13.10.2024 | 17:58
Պաղեստինյան ՀԱՄԱՍ արմատական շարժման զինյալները, 2023 թվականի հոկտեմբերի 7-ի հարձակումից շատ առաջ, ծրագրել էին լայնածավալ հարձակումների և ահաբեկչությունների շարք իրականացնել Իսրայելում: Այս մասին հաղորդել է The Washington Post-ը (WP)՝ վկայակոչելով ՀԱՄԱՍ-ի ղեկավարության 10 գաղտնի հանդիպումների արձանագրությունները, որոնք ՀԱՄԱՍ-ի հրամանատարական կենտրոններում հայտնաբերել են իսրայելցի զինվորականները։
Ըստ աղբյուրի՝ տասնյակ էջերում մանրամասն ներկայացված է ՀԱՄԱՍ-ի ծրագիրը՝ շատ ավելի մեծ, քան հոկտեմբերի 7-ի հարձակումը: Այն ներառում է ահաբեկչություն Թել Ավիվի երկնաքերի վրա՝ 2001 թվականի սեպտեմբերի 11-ին ԱՄՆ-ում տեղի ունեցած ահաբեկչության ոճով, ինչպես նաև ռմբակոծություններ երկաթուղիներում:
WP-ն նշում է, որ լրագրողների կողմից ձեռք բերված նամակների և փաստաթղթերի 59 էջերը միայն մի փոքր մասն են կազմում այն հազարավոր փաստաթղթերի, որոնք, ըստ Իսրայելի պաշտպանության բանակի, գտնվել են Գազայի հատված ցամաքային ներխուժման սկզբից ի վեր:
«ՀԱՄԱՍ»-ն այնքան վճռական է ջնջելու Իսրայելը և հրեա ժողովրդին, որ կարողացավ Իրանը ներքաշել ուղիղ հակամարտության մեջ, այն պայմաններով, որոնց Իրանը պատրաստ չէր»,- ասել է Իսրայելի անվտանգության պաշտոնյան:
