08.10.2026 | 15:44
Ռուսաստանը հարվածել է Կրամատորսկում ուղևորատար ավտոբուսների․ զոհվել է 30 մարդ, ևս 18-ը՝ վիրավորվել
ՀՖՖ-ն ներկայացրել է Ազգերի լիգայում Հայաստանի հավաքականի ամենափորձառու ֆուտբոլիստների ցանկը
13.10.2024 | 16:23
ՈւԵՖԱ Ազգերի լիգայի չորրորդ մրցափուլի Հայաստան-Հյուսիսային Մակեդոնիա խաղից առաջ Հայաստանի ֆուտբոլի ֆեդերացիան ներկայացրել է մրցաշարի ամենափորձառու ֆուտբոլիտների ցանկը։
Ազգերի լիգայի շրջանակում Հայաստանի հավաքականի կազմում ամենաշատ հանդիպումներն անցկացրել է պաշտպան Վարազդատ Հարոյանը։ Չինաստանի առաջնության «Քինգդաո Վեսթ Քոսթ» ակումբում հանդես եկող 32-ամյա ֆուտբոլիստը Հայաստանի հավաքականի խաղաշապիկով մասնակցել է Ազգերի լիգայի 18 հանդիպման։
Երկրորդ տեղում է «Սլովանի» հարձակվող Տիգրան Բարսեղյանը՝ 16 խաղով։ 31-ամյա հարձակվողը ներկայումս չի հրավիրվում ազգային հավաքական։ Լավագույն եռյակը եզրափակում է «Փյունիկի» կիսապաշտպան Արտակ Գրիգորյանը, ում ակտիվում գրանցված է 15 հանդիպում։
Հայաստան-Հյուսիսային Մակեդոնիա հանդիպումը կկայանա այսօր՝ հոկտեմբերի 13-ին, և կմեկնարկի 20։00-ին։
