06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
Վիտալի Բալասանյանը պատասխանատվության է ենթարկվել
Հասարակություն
11.10.2024 | 16:30
Նոր Նորք վարչական շրջանի Տորք Անգեղ այգու տարածքում ապօրինի ծառահատումների վերաբերյալ տեսանյութի հիման վրա հարուցված վարչական վարույթի շրջանակում Ա.Բ.-ի ու Վ.Բ.-ի նկատմամբ կիրառվել են պատասխանատվության միջոցներ։ Այս մասին հայտնում են Բնապահպանության և ընդերքի տեսչական մարմնից։
«Պարզվել է, որ սեպտեմբերի 28-ին քաղաքացիներ Ա.Բ.-ի ու Վ.Բ.-ի կողմից այգու տարածքում հատվել և այրվել են մոշի, մասուրի մոտ մեկ տասնյակ չորացած թփեր ու թթենու կանաչ ճյուղեր»,- տեղեկացնում են տեսչական մարմնից։
Հիշեցնենք՝ Արթուր Չախոյանը ֆեյսբուքյան ուղիղ հեռարձակմամբ պնդել էր, որ Արցախի հերոս, ԼՂ Անվտանգության խորհրդի նախկին քարտուղար Վիտալի Բալասանյանը զավթել է Նոր Նորքի 2-րդ զանգվածում գտնվող համայքային հողը, հատել տարածքի ծառերն ու այրել։ Վիտալի Բալասանյանը Factor TV-ի հետ հեռախոսազրույցում ասել էր, որ որևէ կապ չունի ո՛չ տարածքի, ո՛չ ծառահատումների հետ։ Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանն էլ իր հերթին փոխանցել էր, որ ծառահատում չեն արձանագրել, քանի որ տարածքում կոճղեր չեն հայտնաբերել։ Այնինչ, Չախոյանի հրապարակած կադրերում հստակ երևում էին ծառերի կոճղեր և կանաչ տերևներով այրվող ճյուղեր։ Նոր Նորք վարչական շրջանի ղեկավար Տիգրան Տեր-Մարգարյանն էլ մեզ վստահեցրել էր, որ Վիտալի Բալասանյանը համայքային հող չի զավթել և ծառեր չի այրել, ընդամենը տարածքի աղբն է մաքրել։
Արփի Հակոբյան
