06.06.2026 | 12:50
«Նման ընտրությունները լեգիտիմ չեն լինի»․ Մեդվեդևը՝ Հայաստանի առաջիկա ընտրությունների մասին
Ոչ հրապարակային ֆոնդի անվան տակ այլ ներդրումներ են արվում. ԿԲ նախագահի տեղակալ․ ՏԵՍԱՆՅՈՒԹ
Տնտեսություն
11.10.2024 | 11:43
Ոչ հրապարակային ներդրումային ֆոնդերի կարգավորման ոլորտում առկա որոշ խնդիրներ լուծելու նպատակով Կառավարությունն առաջարկում է փոփոխություններ ու լրացումներ կատարել «Ներդրումային ֆոնդերի մասին» օրենքում և հարակից մի շարք օրենքների նախագծերում, որոնք քննարկվեցին ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստում։
ՀՀ կենտրոնական բանկի նախագահի տեղակալ Արմեն Նուրբեկյանը, ներկայացնելով առաջարկվող փոփոխությունները, նշեց, որ օրենքների նախագծերի փաթեթով կսահմանվեն ֆոնդի գրանցման ընթացակարգը, տեսակները, ֆոնդի կառավարչի պարտականությունները, ակտիվների տարանջատումը, ինչպես նաև՝ լուծարման ու դադարեցման հիմքերը:
«Ներկայումս ոչ հրապարակային ֆոնդերի և դրանց կառավարիչների մեծ մասը ՀՀ կենտրոնական բանկի վերահսկողությունից դուրս են, ինչի արդյունքում ԿԲ-ն հնարավորություն չունի ֆոնդերի և ֆոնդերի կառավարիչների նկատմամբ իրականացնել պատշաճ վերահսկողություն: Ոչ հրապարակային ֆոնդ կարող է կառավարել ցանկացած անձ, այդ թվում` ֆիզիկական, առանց որևէ թույլտվության կամ լիցենզիայի: Ընդ որում՝ կառավարիչների նկատմամբ որևէ պահանջ սահմանված չէ»,- նշեց նա։
ԿԲ նախագահի տեղակալը նաև նկատեց, որ ոչ հրապարակային ֆոնդի անվան տակ այլ ներդրումներ են արվում։
Մանրամասները՝ տեսանյութում։
